Dende a asociación FOCO convidámosvos ao proxecto RESONANCE, un intercambio xuvenil internacional centrado no uso do teatro, a expresión creativa e a educación non formal como ferramentas para reflexionar sobre a construción social do xénero e o seu impacto nos dereitos, identidades e experiencias das persoas novas.
Durante unha semana, mocidade de seis organizacións europeas (Portugal, Italia, Irlanda, República Checa, Grecia e España) compartirán un espazo creativo e seguro no que explorar, a través das artes escénicas, cuestións relacionadas coa igualdade, a diversidade, a inclusión social e os discursos de odio, en especial aqueles promovidos pola extrema dereita contra as mulleres e as persoas LGBTIQ+.
O proxecto ten como obxectivo empoderar ás persoas participantes para empregar as prácticas artísticas como ferramentas de diálogo, pensamento crítico e transformación social, fortalecendo as súas competencias interculturais, a súa creatividade e a súa confianza persoal.
Info principal do proxecto:
- Datas: do 29 de marzo ao 5 de abril de 2026 (incluíndo días de viaxe)
- Lugar: Lugo
- Aloxamento: Albergue xuvenil Lug2
- Metodoloxía: teatro, danza, dramaturxia, creación colectiva e educación non formal
* 4 PRAZAS DISPOÑIBLES *
REQUISITOS DE SELECCIÓN
- Ter entre 18 e 25 anos.
- Ter interese ou experiencia no ámbito do teatro, as artes escénicas ou a creación artística.
- Poder comunicarse en inglés.
- Todas as persoas seleccionadas deberán participar nunha reunión preparatoria en liña o 9 de marzo de 2026, de 18:00 a 19:00h.
- Participar no intercambio xuvenil do 29/03/2026 ao 05/04/2026.
BAREMO DE SELECCIÓN
- Residir na Guarda e o Baixo Miño → 2 PUNTOS
- Ter experiencia teatral → 2 PUNTOS
- Motivación e experiencia para participar no proxecto → 3 PUNTOS
- Implicación en FOCO → ATA 3 PUNTOS
*TODOS OS GASTOS ESTÁN CUBERTOS POLO PROGRAMA ERASMUS+ (Viaxes de ida/volta, aloxamento, comidas e actividades con profesionais).
DATA LÍMITE DE INSCRICIÓN:
6/02/2026
Máis info:
maria@focoeuropa.com // gonzalo@focoeuropa.com